Санкт-Петербургдаги Смолнинский суди Дмитрий Биволнинг собиқ рафиқаси Екатерина Бивол томонидан айтилган оммавий баёнот ва изоҳларни ёлғон ҳамда спортчининг шаъни ва қадр-қимматига путур етказувчи деб топди.Суд Екатеринани ижтимоий тармоқлардаги саҳифаларида раддия (инкор) эълон қилишга мажбур қилди.
Маълумот учун, Екатерина 2023 йил июнида 15 йиллик бирга ҳаётдан сўнг Дмитрий билан ажрашганини маълум қилган. 2024 йил августида у Биволнинг Артур Бетербиевга қарши жангини бекор қилишга чақирган, кейин эса Бетербиевнинг очколар ҳисобидаги ғалабасини олқишлаган. 2025 йил февралида эса Бивол реванш жангида ғалаба қозонган.
