Собиқ мутлақ жаҳон чемпиони Артур Бетербиев ва 79,4 кг вазн тоифасида WBC чемпиони Девид Бенавидес ўзаро жангга оғзаки келишувга эришди. Бу ҳақда Source of Boxing хабар бермоқда.
“Мен Бенавидес билан жанг қилмоқчиман”, — деди Бетербиев.
“Мен ҳам сен билан рингга чиқишга розиман”, — деб ёзди Бенавидес ижтимоий тармоқларда.
Маълумот учун, Бетербиев 2013 йилда проф боксда дебют қилган ва 2024 йилда мутлақ чемпион бўлган. Февраль ойидаги сўнгги жангида у фаолиятидаги илк мағлубиятни Дмитрий Биволдан қабул қилди. Бенавидес эса 2013 йилда профессионал рингда дебют қилиб, 76,2 кг вазнда икки карра жаҳон чемпиони бўлган.
