Якка ва жуфтлик баҳсларида собиқ дунёнинг биринчи ракеткаси, ҳозирда WTA рейтингида 581-ўринни эгаллаб турган америкалик теннисчи Винус Уилямс уайлд-кард олганини изоҳлади
«Австралияга қайтишни интиқлик билан кутяпман ва австралия ёзида ўтадиган мусобақаларни сабрсизлик билан кутмоқдаман. Бу ердан жуда кўп ажойиб хотираларим бор. Менинг фаолиятимда жуда катта аҳамиятга эга бўлган жойга яна қайтиш имконияти учун миннатдорман», — дея Винус Уилямснинг сўзларини келтиради Tennis.com.
Винус Уилямс якка тартибда Australian Open турнирида чемпион бўлмаган, бироқ икки бор финалгача етиб борган. 45 ёш-у 7 ойлигида Винус турнир тарихидаги энг ёши катта асосий тўр иштирокчисига айланади. Australian Open 12 январда старт олади.
