UFC ярим енгил вазн (65 кг) чемпиони, австралиялик Алекс Волкановски енгил вазнга (70 кг) ўтиш эҳтимоли ҳақида фикр билдирди.
«Агар таклиф тушса, албатта, енгил вазнда чемпионлик учун жанг қилардим. Лекин мен ўзимга ҳалолман: ҳозир дарҳол чемпионлик учун жанг қилишга лойиқманми? Йўқ. Буни яхши биламан. Бу ҳозир содир бўлмайди… Кейинги икки-уч йил давомида жанг қилмоқчи эмасман. Менимча, имкониятга эга бўлиш учун яна икки-уч ғалаба қозонишим керак», — деди Волкановски Ariel Helwani подкастида.
Эслатиб ўтамиз, 31 январда UFC 325 турнирида Волкановски бразилиялик Диэго Лопесга қарши чемпионлик реваншини ўтказади.
