Собиқ вақтинчалик жаҳон чемпиони Раян Гарсия (24–2, 1 — NC) навбатдаги жангини ўтказади. Америкалик боксчи ярим ўрта вазн (66,7 кг) тоифасида Марио Барриос (29–2–2) билан WBC чемпионлик камари учун жанг қилади.
Бокс оқшоми 21 февралдан 22 февралга ўтар кечаси АҚШнинг Лас-Вегас шаҳрида бўлиб ўтади.
Эслатиб ўтамиз, 2025 йил май ойида Гарсия Роландо Ромерога қарши жангда ҳакамларнинг якдил қарори билан мағлуб бўлганди. Марио Барриос эса сўнгги икки жангини дуранг билан якунлаган бўлиб, улардан бири афсонавий Менни Пакяога қарши баҳс эди.
Шунингдек, Раян Гарсия яқинда жанговар спортлар оламида фаол муҳокама қилинаётган шахслар, жумладан Илия Топурия ҳақида кескин фикрлар билдиргани ва “менга 2–3 йил беринг” деган баёноти билан ҳам эътиборни тортди.
