«Ал-Иттиҳод» ярим ҳимоячиси НЪГоло Канте «Фенербаҳче»га ўтишга жуда яқин. Журналист Флориан Плеттенберг хабарига кўра, 34 ёшли франциялик футболчи турк клуби билан шахсий шартнома шартларини тўлиқ келишиб олган.
Ҳозирда музокаралар клублар даражасида давом этмоқда. Шу билан бирга, «Ал-Иттиҳод» бош мураббийи Сержиу Консейсау Кантени жамоанинг муҳим футболчиларидан бири деб билади ва уни сақлаб қолишга уринмоқда.
Эслатиб ўтамиз, Канте 2023 йил ёзида «Челси»дан эркин агент сифатида Саудия клубига келиб қўшилган. Жорий мавсумда у клуб миқёсида 22 та ўйинда майдонга тушиб, 1 та гол урган.
