«Ливерпул» сардори Виржил ван Дейк АПЛ 22-турида «Бёрнли»га қарши бўладиган учрашув ҳақида фикр билдирди. Унинг айтишича, Премер-лигада қолиш учун курашаётган жамоага қарши ўйин ҳар доим қийин кечади.
Ван Дейк мавсум бошида «Бёрнли» устидан фақат сўнгги дақиқалардаги пенальти эвазига ғалаба қозонилганини эслатиб, бу сафар ҳам шунга ўхшаш синов кутаётганини таъкидлади. Асосий эътибор — бутун ўйин давомида интизом, сабр, жамоавий ҳимоя ва тўғри қарорларга қаратилади.
«Биз уйда ўйнаймиз ва бу катта масъулият. Ишонтириб айтаманки, мухлислар учун боримизни берамиз», — деди ван Дейк.
