«Мерcедес» жамоаси раҳбари Тото Волф техник регламент ўзгарганидан кейинги сўнгги тўрт мавсумни танқидий баҳолади. Унинг сўзларига кўра, жамоа бошиданоқ жиддий қийинчиликларга дуч келган.
Волфнинг айтишича, бир муаммо ҳал қилинаётган пайтда бошқаси пайдо бўлган ва жамоа бу жараёнда асосий ечимни топа олмаган. Айрим умидлар ва назариялар бўлган, бироқ уларнинг ҳеч бири чемпионлик учун курашда устунлик бермаган. Рақиблар эса бу вазиятдан яхшироқ чиқиб кетган.
