UFC чемпиони Ислом Маҳачев жамоадоши Магомед “Чанко” Зайников билан машғулотлар ҳақида гапирди. Унинг айтишича, Зайников дастлаб тай-боксдан келганида жисмонан яхши ҳолатда бўлмаган, аммо илк йиғинлардан кейин кескин ўзгарган.
Маҳачев Кисловодскдаги машғулотлардан сўнг Чанко тик туриб жангда жуда оғир раундлар бера бошлаганини таъкидлади.
“Тик ҳолатда менга Чанкодек қийин раунд берадиган бошқа жангчи йўқ. Шу сабаб уни доим йиғинларга олиб чиқаман”, — деди Маҳачев.
Унга кўра, айнан Зайников билан машғулотлар уни тик туриб жанг қилишда янада ишончли қилади.
