«Ливерпул»нинг собиқ сардори ва ярим ҳимоячиси Стивен Жеррард жамоа бош мураббийи Арне Слотнинг «Марсел»га қарши ўйиндан (3:0) кейинги фикрларини кескин танқид қилди. Слот жорий мавсумда барқарорлик йўқлигини рақибларнинг “паст ҳимоя блоки” билан изоҳлаган эди.
— У паст блок ҳақида доим гапиришни тўхтатиши керак. Бу ҳолат менинг ўйинчилик давримда ҳам, ундан олдин ҳам бўлган. Рақиблар ҳар доим «Ливерпул»ни тўхтатишга уринади. Муҳими — ечим топиш. Сенда бунга етарли футболчилар бор. Шунда паст блокка қарши ўйинлар дуранг эмас, ғалаба билан тугайди. Дам олиш кунлари «Борнмут»га қарши ҳам худди шундай вазият бўлади. Жамоа шафқатсиз бўлиши, етакчилар эса олдинга чиқиб, голлар уриши керак, — деди Жеррард (Daily Mail).
Эслатиб ўтамиз, навбатдаги турда «Марсел» — «Брюгге» (28 январь), **«Ливерпул» эса «Қорабоғ»**га қарши майдонга тушади (28 январь).
