Формула-1нинг тўрт карра жаҳон чемпиони Макс Ферстатаппен 2026 йилдан кучга кирадиган двигатель регламенти ўзгаришлари ҳақида фикр билдирди.
Янги қоидаларга кўра, Формула-1 машиналарида қувват ички ёнув двигатели ва электр энергияси ўртасида тенг — 50/50 нисбатда тақсимланади. Бу чемпионат тарихидаги электрлаштириш йўлидаги энг катта қадам ҳисобланади.
Ферстатаппен шундай деди:
“Жамоа бу ўзгаришлар ҳақида олдиндан биларди, шунинг учун бу биз учун шок бўлмади. Жамоа тайёргарлик кўрган ва бу, албатта, янги чақириқ. Сўнгги уч йилдаги машиналар менга ёқарди, аммо баъзан ўзгаришлар ҳам фойдали бўлади. Бу кучлар нисбатини кескин ўзгартириб юбориши мумкин. Қандай бўлишини вақт кўрсатади.
«Форд» билан ҳамкорлик қилиш — ажойиб имконият. Уларнинг автоспортда жуда катта мероси бор. Ўйлайманки, ҳозир барчамиз мавсум стартини интиқлик билан кутяпмиз”, — дея унинг сўзларини RacingNews365 нашри келтирди.
