Мюнхеннинг “Бавария” клуби ҳужумчиси Гарри Кейн Европа Чемпионлар Лигаси умумий босқичида Белгиянинг “Юнион” жамоасига қарши ўйиндан (2:0) кейин фикр билдирди.
Кейн ушбу учрашувда иккита гол урди:
• 52-дақиқада ўйиндан,
• 55-дақиқада пенальтидан.
63-дақиқада Ким Мин Жаэ қизил карточка олиб, “Бавария” бир киши кам бўлиб қолди. 81-дақиқада эса Кейн яна пенальти тепди, аммо бу сафар гол ура олмади.
Гарри Кейннинг сўзларига кўра: “Бу яхши ғалаба. Чемпионлар Лигасида ҳар қандай ғалаба — яхши натижа. Биринчи бўлимда биз одатдагидек фаол ўйнай олмадик. Тўп билан ҳам, тўпсиз ҳам энергия етишмади, шу сабаб айрим қийинчиликлар юзага келди.”— дея унинг фикрларини УЭФА расмий сайти келтирди.
