Британиялик MMA жангчиси Педди Пимблетт UFC’нинг енгил вазн чемпиони Илия Топурияга қарши Оқ уйда ўтказилиши мумкин бўлган турнирда жанг қилишга қизиқмаслигини айтди. Унинг сўзларига кўра, Оқ уйда бўладиган тадбир фақат таклифнома асосида ўтказилади ва бу унинг доимо қўллаб-қувватлаб келадиган яқинлари иштирок этишига имкон бермайди.
“Йўқ, мен Оқ уйда Илия билан жанг қиламан, деб ўйламайман. Бу картда чиқишни хоҳламайман, чунки барча дўстларим ва оиламни олиб кела олмайман. Тадбир фақат таклифнома орқали бўлади, мен эса ҳеч кимни четда қолдиришни истамайман”, — деди Пимблетт Майкл Биспинг билан бўлган интервьюда.
