Мадриднинг «Реал» клуби бош мураббийи Алваро Арбелоа ўзига қаратилаётган танқидлар ҳақида фикр билдирди.
— Танқидларга келсак, мен хотиржамман ва бутун эътиборим ишимгагина қаратилган: футболчиларга ёрдам бериш ва уларнинг имкониятларини тўлиқ очиш. Мени фақат эртанги ўйин қизиқтиради — яхши ўйнаш, уч очкони қўлга киритиш, охиригача курашиш ва жамоа ҳамда индивидуал даражада юқори савия кўрсатиш. Қолган гаплар мени унча ташвишлантирмайди, — деди Арбелоа «Реал»нинг расмий сайти орқали.
Маълумот учун: Ла Лиганинг 20-туридан сўнг «Реал» 48 очко билан 2-ўринда бормоқда ва етакчи «Барселона»дан 1 очко ортда қолмоқда.
