Америкалик боксчи ва блогер Жаке Паул собиқ оғир вазн жаҳон чемпиони Антҳонй Жошуага қарши жангдан кейин яна жағ операциясини ўтказганини маълум қилди.
Полнинг айтишича, аввалги жарроҳлик амалиётидан кейин асоратлар юзага келган. У ижтимоий тармоқларда шундай ёзди: жағидаги винт ва пластиналар бўшаша бошлаган, бунга эса сўнгги икки ой давомида етарлича дам олмагани сабаб бўлган.
Эслатиб ўтамиз, ўтган йил декабрь ойида Маямида бўлиб ўтган жангда Жошуа олтинчи раундда нокаут орқали ғалаба қозонган эди. Жангдан кейин Пол рентген суратини эълон қилиб, жағи икки жойидан синганини кўрсатган, кейинчалик эса операция муваффақиятли ўтганини билдирган эди.
