Филиппинлик афсонавий боксчи Manny Pacquiao реванш жанги бўйича музокаралар анчадан бери давом этганини маълум қилди. Унинг айтишича, америкалик рақиби Флойд Майwеатҳер Жр. дастлаб жангни кўргазмали форматда ўтказишни таклиф қилган, бироқ айнан шу масала узоқ вақт келишувга тўсқинлик қилган.
“Олдин у кўргазмали жангни хоҳлади, лекин мен бунга рози бўлмадим. Мен ҳақиқий жангни истадим — айнан шундай жангни. Бу тўқнашув мени жуда ҳаяжонлантирмоқда. Мен ҳали ҳам фаолман, у эса нафақадан қайтиб яна рингга чиқишга қарор қилди. 2015 йилги жангдан кўп сабоқ олдим. Ҳозир икковимиз ҳам анча доно бўлдик ва жангга қандай ёндашишни яхши тушунамиз. Бу сафар баҳоналар бўлмайди, айниқса жисмоний ҳолатим борасида. Мен жангга тайёрман”, — деди Пакяо ESPN телеканалининг Sports Center дастурида.
Пакяо 11 йил аввалги мағлубиятини елкасидаги жароҳат ҳамда рақибининг очиқ алмашинувга бормагани билан изоҳлаган эди. Эндиликда эса 47 ёшли филиппинлик ва 49 ёшли америкалик яна рингда учрашишга тайёр.
